مرسال النسيم

قصيده اتمني تلحينها والترنم بها فهي عزيزة علي قلبي قريبة من شرايينه

للملحن كامل الصلاحيات في تشذيبها وتسميتها واهداءها

النص:


يا نسايم لما تمشي
سلمي وبالشوق اهمسي
وقولي ليهو الروح بلاهو
وانو عمرى وهو نفسي
والحروف الليهو قلتا
والسهاد واوعاكي تنسي
وطمنيني عليهو مرة
وطمنيهو عليا هسي
............................
احكي ليهو اللوعة حاره
والدموع في بعادو مره
والالم بس كان معاند
لا يروح لو حتي مره
صادق اللحظات وخيم
وفي الفواد سكنو استمره
ولليالي الشوق ملازم
والسهاد ساكن مضره
..................................
وصلي الشوق يا نسايم
وشوفي حالو واحكي ليهو
عن بعادو واغترابو
وحالنا دونو واشكي ليهو
وكل لحظة ونحن غيرو
حايره طايره وساكنه فيهو
والبعاد ايامو حاره
والزمان واقف عليهو


محمد سراج