حافظ علي
ــــــــــــــــــ
كلمات : محمد سراج محمد
حافظ علي قلبي
المعاك
أنا صاغ سليم سلّمتـــو ليك
علّمتو كيف يرعى
الغرام
ويكون معاكـــــا ويشتهيك
نبضاتـو موزونات
عليك
بيحاكـو فـي خطوة مشيك
لو سبتو في سابع
سما
ما عندو غير ينزل يجيـــــك
بس إنتا حافظ لي علي
أهديتو ليــك طـاهر شفيـف
ما باره يــوم درب الشباب
وأهديتو ليك أبيض نضيف
ما شاف ولا بت أُم لعــــاب
واهديتو ليك ناصع عفيــف
لا اتشابى لا باره الســـراب
واهديتو ليـك رايـق لطيـف
ما كانلو في الفارغات عُباب
بس إنتا حافظ لي علي
ما دايرو يدردر
يهيـــم
في السكــــه يغباهو الدرب
ما دايرو يصبح زي حُطام
ويصيبو لي مرض
القلب
ينهــــــدّه جدرانو القويـــم
يصبح كما البيت
الخرِب
أنا دايرو بس وقفـــاً عليك
لو حتّى تشرِق من
غرِب
وارجوك بس ... حافظ علي